Մայիսի 21-ին Երևանում՝ «The Alexander» հյուրանոցում, կայացավ staff.am-ի և Ucom-ի նախաձեռնած Executive Offsite Vol.1-ը։ Միջոցառումը մեկտեղել էր Հայաստանի բիզնես էկոհամակարգի առանցքային դեմքերին՝ հիմնադիրների, գործադիր տնօրենների և պետական այրերի՝ քննարկելու մի հիմնարար հարց. ինչպե՞ս պետք է տրանսֆորմացվեն կազմակերպությունները մի դարաշրջանում, երբ տեխնոլոգիաները, կապիտալը և աշխարհաքաղաքականությունը հիմնովին վերափոխում են գլոբալ համակարգերը։
staff.am էկոհամակարգի համահիմնադիր Լուիզա Ավետիսյանը, ողջունելով ներկաներին, կիսվեց Executive Offsite-ի ստեղծման գաղափարով և շեշտեց նմանատիպ փակ ձևաչափերի կարևորությունը բարձր վստահության միջավայր ստեղծելու գործում։ Լուիզան իր բացման խոսքում նաև հատուկ շնորհակալություն հայտնեց նախաձեռնության կայացման գործում ներդրում ունեցած գործընկերներին՝ համակազմակերպիչ Ucom ընկերությանը, բովանդակային գործընկեր Change School London-ին, գլխավոր գործընկեր Jardins de Arménie-ին, գործընկեր «Նաիրի Ինշուրանսին» և էկոհամակարգի մյուս գործընկերներին՝ ICC Armenia. IIA Armenia, Oxford Alumni Business Club of Armenia։
Այսօր մենք գործում ենք մի համակարգում, որտեղ տեխնոլոգիաները, կապիտալը և աշխարհաքաղաքականությունը վերափոխում են խաղի կանոնները։ Մեր նպատակն էր ստեղծել բարձր վստահության միջավայր, որտեղ առաջնորդները կարող են դուրս գալ ամենօրյա գործառնական խնդիրներից և քննարկել այն հիմնարար փոփոխությունները, որոնք անհրաժեշտ են ապագայի կազմակերպություններ կառուցելու համար:
Լուիզա Ավետիսյան
Միջոցառման մասնակիցներին ողջունեց նաև Ucom-ի գլխավոր տնօրեն Ռալֆ Յիրիկյանը՝ ընդգծելով առաջնորդության տրանսֆորմացիայի անհրաժեշտությունը.
Այսօր առաջնորդները գործում են մի իրականությունում, որտեղ փոփոխությունների արագությունն աննախադեպ է։ Տեխնոլոգիաները, հատկապես արհեստական բանականությունը, վերափոխում են ոչ միայն բիզնես գործընթացները, այլև կազմակերպությունների կառավարման տրամաբանությունը։ Այսպիսի հարթակները կարևոր հնարավորություն են ստեղծում բաց և վստահելի միջավայրում քննարկելու այն մարտահրավերներն ու հնարավորությունները, որոնք ձևավորելու են ապագայի կազմակերպությունները։ Վստահ եմ, որ Հայաստանի մրցունակության հիմքում լինելու են համագործակցությունը, ճկուն մտածողությունը և շարունակական նորարարությունը։
Ռալֆ Յիրիկյան
Տեխնոլոգիական ենթակառուցվածքներ և ԱԲ-ի իրական ազդեցությունը
Առաջին Fireside Conversation-ի ընթացքում Ucom-ի գլխավոր տնօրեն Ռալֆ Յիրիկյանը և Change School-ի հիմնադիր Վիրեն Լալլը քննարկեցին կազմակերպությունների կառուցման առանձնահատկությունները արագ փոփոխվող համակարգերում։ Քննարկման առանցքում տեխնոլոգիական ենթակառուցվածքների և արհեստական բանականության իրական ազդեցությունն էր. թե որտեղ են դրանք փոխում որոշումների կայացման մեխանիզմները՝ դուրս գալով պարզապես փորձնական ծրագրերի շրջանակից
ԱԲ համակարգերի համար կենսական է տիրապետել կազմակերպության տվյալներին, միջավայրին և արժեքներին, ինչը թույլ է տալիս դրանց գործել տվյալ ընկերության տրամաբանությամբ։ Նպատակը ոչ թե ղեկավարներին «փրոմփթ ինժեներիա» սովորեցնելն է, այլ համակարգված գործընթաց ստեղծելը, որտեղ ռազմավարական ուղղությունն ու առաջնորդությունը բխում են հենց մարդուց։
Վիրեն Լալլ
Ռալֆ Յիրիկյանը շեշտեց, որ խոշոր ու բարդ կազմակերպություններում հենց կառուցվածքն է հաճախ սահմանում զարգացման արագությունը, և այսօրվա մարտահրավերն է վերանայել կառավարման այն մոդելները, որոնք դանդաղեցնում են բիզնեսի աճը։
Ռալֆ Յիրիկյանը շեշտեց, որ խոշոր ու բարդ կազմակերպություններում հենց կառուցվածքն է հաճախ սահմանում զարգացման արագությունը, և այսօրվա մարտահրավերն է վերանայել կառավարման այն մոդելները, որոնք դանդաղեցնում են բիզնեսի աճը։
Եթե ցանկանում ենք, որ կազմակերպությունը զարգանա, պետք է խոսենք ճկունության, մարդկանց լիազորելու և վստահություն տալու մասին՝ սկսելով հենց մեզնից։ Այդ օրինակը կտարածվի ողջ թիմում և անպայման կբերի ցանկալի արդյունքների ։
Ռալֆ Յիրիկյան
Քննարկումը մեծ հետաքրքրություն առաջացրեց ներկաների մոտ՝ հանգեցնելով բազմաթիվ հարցերի ԱԲ կիրառության և դրա բերած հիմնարար փոփոխությունների շուրջ։
Տնտեսական միջավայր և պետական քաղաքականություն
Հաջորդ քննարկման ձևաչափով ՀՀ ֆինանսների նախարար Վահե Հովհաննիսյանը և Լուիզա Ավետիսյանը վերլուծեցին կազմակերպությունների դերը փոփոխվող տնտեսական և ֆինանսական միջավայրում։ Քննարկվեցին կայունության և աճի հավասարակշռման նրբությունները, ինչպես նաև այն տնտեսական ռիսկերը, որոնք հաճախ դուրս են մնում բիզնեսի հաշվարկներից։
Նախարարի խոսքով՝ քանի որ գլոբալ կապիտալը դառնում է ավելի ընտրողական, կազմակերպությունները պետք է դիրքավորվեն այնպես, որ մնան գրավիչ երկարաժամկետ ներդրումների համար։ Առանձնահատուկ ուշադրություն դարձվեց պետական քաղաքականության և բիզնեսի իրական փորձառության միջև առկա խզումների հաղթահարմանը և կանխատեսելի միջավայրի ստեղծմանը։
Վահե Հովհաննիսյան
Մենք պետք է էլ ավելի մեծ ուշադրություն դարձնենք գերազանցության ձգտմանը, քանի որ դրա բացակայության դեպքում չենք կարողանա պահպանել մեր մրցունակությունը որպես պետություն, իսկ մասնավոր ձեռնարկությունները չեն դիմանա ուժեղացող մրցակցությանը։ Սա պետք է լինի մեր առաջիկա մշակութային կարևոր փոփոխություններից մեկը։
Առաջնորդման և ղեկավարման մասին խոսելիս նախարարն առանձնացրեց եկավարին բնորոշ ամենակարևոր հմտություննը․
Ղեկավարի համար կարևոր է երբեմն սեփական կամքը «ետ քաշելու» կարողությունը։ Գայթակղությունը մեծ է միշտ գործադրել լիազորությունները, բայց երբեմն պետք է տալ միայն իմպուլսը, ապա հետ քաշվել և կողքից հետևել պրոցեսին։ Շատ հաճախ դա տալիս է հիանալի արդյունքներ։
Վահե Հովհաննիսյան
Պանելային քննարկում. Նախագծել կազմակերպություններ ոչ կայուն համակարգերում
Միջոցառման առանցքային մասերից էր պանելային քննարկումը՝ նվիրված ոչ կայուն համակարգերում կազմակերպությունների նախագծմանը (Designing organizations for a system that is no longer stable)։ Ոլորտի առաջատար փորձագետներ Մանե Մարտիրոսյանը (Նաիրի Ինշուրանս), Ալեքսանդր Շաղիկյանը (BDO), Սևադա Բաղդյանը (Boyden) և Վախթանգ Աբրահամյանը (Ներքին աուդիտորների ինստիտուտ) վերհանեցին այն ավանդական պատկերացումները, որոնք այլևս արդյունավետ չեն։
Արագության հետ պետք է պատասխանատվության մակարդակը բարձրանա, բիզնեսները պետք է լինեն բաց փոփոխություններին և հիմա իրական ժամանակն է ևս մեկ անգամ վերընթերցելու Թալիբի Antifragile գիրքը, քանի որ կարծես թե ապրում ենք այդ նույն ժամանակներում:
Սևադա Բաղդան
Այս արագ փոփոխվող մջավայրում մշտապես եղել և մնում են մարդիկ։ Այս պարագայում նրանց մտածելակերպի փոփոխությունը առավել կարևոր է, թե որքանով են պատրաստ արագ փոփոխվել և հարմարվել փոփոխություններին, դրանով է պայամանավորված նաև կազամակերպության հաջողությունը։
Վախթանգ Աբրահամյան
Առաջնորդությունը երեք բաղադրիչ ունի․ սովորել, փոխանցել, օժանդակել։
Մանե Մարտիրոսյան
Ընկերությունները մշտապես կանգնած են մեկ դիլեմայի առաջ․ արագ ցածր որակի, թե դանդաղ որակյալ որոշումներ։
Ալեքսանդր Շաղիկյան
Քննարկվեցին բիզնեսի ներսում առկա լարվածությունները՝ արագության և վերահսկողության, նորարարության և կայունության միջև։ Փորձագետները վերլուծեցին, թե ճնշման տակ որ համակարգերն են առաջինը «կոտրվում»՝ կառուցվա՞ծքը, կառավարո՞ւմը, թե՞ կապիտալի կարգապահությունը, և ինչպիսի նոր կառավարման մոդելներ պետք է փոխարինեն ավանդականներին։
Միջոցառման երկրորդ հատվածում մասնակիցներին ողջունեց CPS Cigaronne ընկերության գլխավոր տնօրեն Արման Մուրադյանը, որի Jardins de Arménie բրենդը հանդիսանում էր միջոցառման գլխավոր գործընկերը։ Պարոն Մուրադյանն իր խոսքում ընդգծեց փորձի փոխանակման և նմանատիպ քննարկումների շարունակականության կարևորությունը բիզնես համայնքի և տնտեսության համար.
Ժամանակները փոխվում են, ստանդարտները խստանում են, իսկ պահանջները՝ շատանում։ Այս համատեքստում փորձի փոխանակման անհրաժեշտությունը դառնում է առանցքային։ Նմանատիպ հանդիպումները էապես նպաստում են բիզնես համայնքի, ապա նաև տնտեսության զարգացմանը։ Ես լիահույս եմ, որ այս նախաձեռնությունը կլինի շարունակական, և երկարատև աշխատանքի արդյունքում մենք ոչ հեռու ապագայում մեծ նվաճումներ կունենանք։
Արման Մուրադյան
Միջոցառման առանձնահատուկ ձևաչափերից էին թեմատիկ սեղանների շուրջ ֆասիլիտացված քննարկումները, որոնք անցկացվեցին Chatham House-ի գաղտնիության սկզբունքներով։ Այս ձևաչափը հնարավորություն տվեց առաջնորդներին ավելի անկաշկանդ ու խորքային անդրադարձ կատարել կազմակերպությունների առջև ծառացած հիմնարար մարտահրավերներին։
Քննարկումների առանցքում էին աշխարհաքաղաքական անկանխատեսելիությունն ու կարգավորող միջավայրին հարմարվելու ուղիները, տեխնոլոգիաների և ԱԲ-ի դերը որպես գործառնական էությունը վերափոխող ուժ, ինչպես նաև կառավարման ճկուն մոդելների որոնումն ու ֆինանսական դիմակայունության ապահովման հրամայականները։ Այս բովանդակալից երկխոսությունները առաջնորդում էին փորձառու ֆասիլիտատորներ Անահիտ Սարգսյանը, Ռաֆի Սեմերջյանը, Նարինե Բեգլարյանը և Վիրեն Լալլը՝ օգնելով մասնակիցներին վերհանել խնդիրները մասնագիտական տարբեր տիրույթներում և նախանշել զարգացման նոր հեռանկարներ։
Networking ընթրիք. Գաղափարների փոխանակում Երևանի սրտում
Executive Offsite Vol.1-ն ամփոփվեց «The Alexander Luxury Collection» հյուրանոցի տանիքում կայացած նրբաճաշակ networking ընթրիքով։ Սա պարզապես ընթրիք չէր, այլ օրվա ընթացքում հնչած ռազմավարական մտքերի շարունակությունն ավելի անմիջական ու մտերիմ միջավայրում, որն ուղեկցում էր հայկական քանոնի հեգթով հնչյուններով։
Երևանյան երեկոյի տեսարանի ներքո մասնակիցները հնարավորություն ունեցան ամրապնդել գործնական կապերը, քննարկել համատեղ նախագծերի հեռանկարները և կիսվել անձնական փորձով։ Այս ոչ պաշտոնական մասը դարձավ միջոցառման տրամաբանական ավարտը՝ վերահաստատելով, որ Հայաստանի բիզնես էկոհամակարգի հզորության հիմքում հենց նմանատիպ վստահելի ու բովանդակալից կապերն են։
Executive Offsite Vol.1-ը միայն սկիզբն էր մի կարևոր ճանապարհի, որը նպատակ ունի վերասահմանել հայաստանյան առաջնորդության մշակույթը։ Այս հանդիպումը փաստեց, որ ապագայի կազմակերպությունները կառուցվում են հենց այսպիսի վստահելի ու բովանդակալից կապերի հիմքով։
Միջոցառման մանրամասներին ծանոթացեք հոլովակում․
