Շարունակում ենք մեր MND-երի շարքը։ Հերթն այս անգամ Փետրվարի MND-ինն է։
Անցած հունվար ամսվա MND-ն բավականին հագեցած էր․ HackTech, Gurus, Atenk, EasyPay և staff.am:
Փետրվար ամիսը ևս շատ հետաքրքիր է անցել մեր գործընկերների համար։ Օգտակար դասընթացներ, նոր ձեռքբերումներ և արդյունավետ հանդիպումներ։
Միասին ամփոփենք անցած ամսվա MND (monthly news digest):
Գնացինք․
DataArt
DataArt-ըՏՏ առաջխաղացմամբ զբաղվող ընկերություն է, որն ունի իր Հայաստանյան ներկայացուցչությունը Երևանում։
Ընկերությունը պարբերաբար իրականացնում է մասնագիտական դասընթացներ ծրագրավորողների, որակի ապահովման և թեմատիկ այլ ուղղությունների վերաբերյալ։
Փետրվարին ամփոփվեց DataArt-ի մի շատ կարևոր և հայրենանվեր հատուկ նախաձեռնություն։ Որակի ապահովման (QA) դասընթացի շրջանավարտներն այս անգամ Արցախցի կանայք էին։
Երկամսյա հագեցած դասընթացից հետո 19 արցախցի կին ստացավ ավարտական վկայական։
Մեր գործընկերոջ շնորհիվ այժմ QA ոլորտը համալրվեց ևս 19 մասնագետներով։
Podcastle AI
Podcustle AI-ը տրամադրում է արհեստական բանականությամբ աշխատող ամբողջական գործիքակազմ՝ մեկ հարթակում ստեղծելու, խմբագրելու և հրապարակելու աուդիո և վիդեո բովանդակություն։
Փետրվարին մեր գործընկերը հայտնել է Ա սերիայում $13.5 մլն ներգրավելու մասին։
Նշենք նաև, որ Podcastle-ի ղեկավար կազմին են միացել Canva-ի նախկին փոխնախագահ Ալան Ռեխտմանը, Դամիան Սակոն Prezi հարթակից և Դմիտրի Կոպիլովսկին, որը նախկինում աշխատել է Uber-ում և Facebook-ում, ինչպես նաև կգլխավորի հայկական ստարթափի մարքեթինգի թիմը։
staff.am
Փետրվարը շատ արդյունավետ էր նաև staff.am էկոհամակարգի ուղղվածություններից մեկի համար՝ Compass by staff.am:
Compass-ը staff.am-ի ամենաերիտասարդ ուղղությունն է։ Այն թողարկվել է 2023թ. ամռանը և հնարավորություն է տալիս ընկերություններին ստանալ արժեքավոր տեղեկատվություն աշխատաշուկայի ակտիվության, տարբեր ոլորտներում զարգացման միտումների, միջին աշխատավարձերի և դրանց համեմատության մասին։ Compass-ը բիզնեսում տվյալահեն որոշումներ կայացնելու համար եզակի լուծում է հայաստանյան շուկայում։
Փետրվարին կայացավ բիզնես-նախաճաշ, որի ընթացքում ավելի քան 35 ընկերությունից ՄՌԿ ոլորտի շուրջ 50 մասնագետների հետ կայացած հանդիպմանը staff.am համահիմնադիր Լուիզա Ավետիսյանը ներկայացրեց staff.am ամենաերիտասարդ ուղղության առանձնահատկությունները, նրբություններն ու կարևորությունը։
Հանդիպումը հագեցած էր ինտերակտիվ քննարկումներով, նոր առաջարկներով ու հետաքրքիր գաղափարներով։
Evolution Armenia
Evolution-ը առցանց խաղերի ոլորտում նորարար ծրագրային ապահովման լուծումներ առաջարկող առաջատար միջազգային ընկերություն է։
Նշենք նաև, որ Evolution in Armenia-ն շվեդական Evolution-ի մասնաճյուղն է, որը հիմնադրվել է 2006 թվականին և ներառված է Nasdaq Nordic-ում։
Կանանց միջազգային տոնին ընդառաջ՝ Շվեդիայի դեսպանությունըEvolution Armenia-ի հետ համատեղ 2024 թվականի փետրվարի 29-ին կազմակերպել էր «Ներդրում կանանց հզորացման մեջ՝ առաջընթացն արագացնելու համար։ Կանանց տնտեսական ակտիվացումը և շվեդական լավագույն փորձը» խորագրով միջոցառումը։
Միջոցառումն ընդգծում էր գենդերային հավասարության էական դերը տնտեսության հզորացման խթանման գործում և դրա շնորհիվ կայուն զարգացման միտումները:
staff.am-ի համահիմնադիր Լուիզա Ավետիսյանը ևս միջոցառման պատվավոր հյուրերից էր՝ ելույթ ունենալով նաև պանելային քննարմանը։
