Հեքեթոնը միջոցառման ձևաչափ է, որն ավելի տարածված է ՏՏ ոլորտում։ Metrix Digital կազմակերպության շնորհիվ առաջին անգամ այս ձևաչափը կյանքի է կոչվում նաև մարքեթինգի համայնքում։
Հեքեթոնն իր շուրջ է հավաքելու ոչ միայն մարքեթինգի, այլ նաև հարակից ոլորտների մասնագետներին, ովքեր երկու օր շարունակ աշխատելու են մարքեթինգային մարտահրավերների շուրջ։ Ինչպես նաև հաղթող թիմերը կստանան բազմաթիվ մրցանակներ և միգուցե նաև հնարավորություն՝ կյանքի կոչելու իրենց առաջարկած լուծումը:
Հեքեթոնի 4 գլխավոր գործընկերներն են Ամերիաբանկ, Ավանտա, Intent.ai ընկերությունները, և անցկացման վայրի գործընկեր The Crowdfunding Formula (TCF) մարքեթինգային ընկերությունը։ Հենց նրանց կողմից էլ հեքեթոնի ընթացքում լինելու է 4 մարտահրավեր։ Այս մարտահրավերները կբացահայտեն մասնակից թիմերի մարքեթինգային գիտելիքներն ու ստեղծագործ մտածելակերպը, կապահովեն հարթակ նորարարական մարքեթինգային լուծումների և առաջարկների համար։
Մարքեթինգի ոլորտի 20 առաջատար մասնագետ հանդես կգա որպես մենթոր, միջոցառման ընթացքում մասնակիցներին աջակցելու և ուղղորդելու նպատակով:
Միջոցառման կազմակերպիչները խոստանում են նաև շատ հետաքրքիր սեմինար/workshop՝ նոր գիտելիքներ ստանալու համար։ Սեմինարի թեման ծրագրային գովազդն է (programmatic advertsing)։ Նոր և հետաքրքիր ձևաչափով կանկացվի նա NoBla!Bla Talk, որի ժամանակ ոլորտի թոփ մասնագետները կխոսեն իրենց և՛ հաջողած, և՛ ձախողած արշավների մասին։
Օր՝ Սեպտեմբերի 23,24,
Ժամ՝ 10:00-19:00,
Հասցե՝ Հալաբյան 65/5,
Հարցերի կամ առաջարկների համար գրել՝ lilit@metrixdigital.co էլ հասցեին։
